សូមថ្វាយព្រះរាជមហាកុសល 

ខួបគម្រប់១២ឆ្នាំ ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្ដេចព្រះនរោត្តម សីហនុ ព្រះមហាវីរក្សត្រព្រះវររាជបិតាឯករាជ្យបូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋជាទីគោរពសក្ការៈដ៏ខ្ពង់ខ្ពស់បំផុត។

ទូលព្រះបង្គំជាកូនចៅ ចៅទួតរបស់ព្រះអង្គទាំងអស់គ្នា សូមក្រាបថ្វាយព្រះអាល័យ និងមហាព្រះរាជកុសល ដោយសេចក្តីគោរពស្រលាញ់យ៉ាងជ្រាលជ្រៅបំផុត សូមព្រះអង្គយាងសោយសុខនៅក្នុងព្រះបរមសុគតិភព និងសូមបួងសួងដល់ ព្រះតេជានុភាពព្រះវិញ្ញាណក្ខន្ធដ៏មានឫទ្ធានុភាព នៃព្រះករុណា ព្រះបរមរតនកោដ្ឋ ជួយប្រោះព្រំសព្ទសាធុការពរជ័យ ដល់ប្រជារាស្ត្រខ្មែរគ្រប់រូប និងមាតុភូមិជាទីស្នេហានៃយើង សូមប្រកបដោយ សេចក្តីសុខក្សេមក្សាន្ត សន្តិភាព និងវឌ្ឍនភាពជានិច្ចនិរន្តរ៍។ 

សូមក្រាបថ្វាយបង្គំពីថ្នាក់ដឹកនាំ និងគណៈគ្រប់គ្រងនៃសាលាបញ្ញាសាស្រ្តអន្តរជាតិសាខាទី១។